De hoof
Dit is ut ongevier ut gebied van de Baolebergwaeg richting Ruiver wies beej Rônkesjtein, gelaege tösse de sjpaorliën en de huidige Koeleswaeg. Heej hadde de paters van Sjteil groëte arealen veur de akkerbouw en de viëteelt ligke. In ôs jeug (50 en 60-jaore) kwaame weej neet zoe dök op de Hoof. Weej ginge waals ens in ut Patersböske sjpeule of beej de Gaesbaek. Swingkters zien weej ouch waal ens gaon sjaatse op de Paterswiërd. Det was ein waterbekke gelaege tösse ut hóes van Feuler en Ronckesjtein. De Paterswiërd is in 1919 aangelag door sjtudente en broeders van ut Sjteyler Missiehóes. Ut water van de ömgeleide Gaesbaek kwaam in dit bekke óet en woort gebroek öm ein turbine aan te driéve öm zoë de Patershoof en de ömliggende wuninge van sjtroum te verzéen. Allein, zoe vertelde ein aad bewóener van de Hoof, drejde de paters saoves öm nege oor de knoep öm en môs d'r euver gegaon waere op de petroleumlamp.
Tog had die hoof get. Ut huërde waal beej Belvend, maar ut waas dao tog zoe angers. Dao loog ein groët klóester, versjaole achter sjtrúuk en buim. Dao kwaamse priestersjtuudente en broeders taege. Die waare angers gekleid as ôs en die hadde eine fiets met eine gebreide jasbesjermer. De Hoof waas óetgesjtrek en dao woënde neet vuël minse en van die minse wêrkde de meiste as knech beej de Paters. Zoedóonde zóogse altiëd minse op ut langk wêrke en die gebroekde vur daen tiéd moderne masjienes. Met zwaore traktors woort ut grei ônger angere nao "de zjwarte sjeur" gebrach. Die "Paterssjeur" is op 24 april 1988 toet aan de grôngk toe aafgebrand, ömdet kinger dao met veur gesjpeuld hadde.
De (oude) Leonardushoeve
de aaj Patershoof
De "Grote Hoeve” met erbij behorende opstallen en landerijen werd in 1911 gekocht van Peter Jan Schellens (koopman uit Horst), met het doel het moederhuis in Steyl te voorzien van landbouwproducten.
Zodra de broeders erin trokken, werd in het hoofdgebouw een huiskapel ingericht en kreeg de hoeve ook een nieuwe naam: de Leonardshoeve. Leonardus is o.a. de patroon van de boeren en het vee, de paarden, de stallen en de stalknechten. De kapel was heel eenvoudig; een grote kamer met een paar banken, een houten altaar en een olieverfschilderij de H. Leonardus.
Na een volgende interne verbouwing in 1920 kwam er een nieuwe inpandige kapel met een klokkentorentje.
Bron: Zur Geschichte von St. Michael in Steyl analecta SVD – 51
opmerking: In het boek "Geschiedenis van de St. Urbanusparochie te Belfeld", wordt gesproken van de Kleine Hoeve.
de aaj Patershoof voor de verbouwing
de aaj Paterhoof
midde op ut daak is dudelik ut teurentje van de kapel te zéen
De (nieje) Leonardushoeve
Op 3 mei 1911 hebbe de Paters van Sjteil 32 hektaar grôngk op de Hoof gekoch. In 1957 waas eur grôngbezit gegreujd nao 278 hektaar. Ut mieredael van deze grôngk waas aanvankelik moerassig en begreuijd met vuël kreupelbossen. Door te zörge vur ein gôjje aafwatering, is det alles toet angkbouwgrôngk ôntgônne. Doordet zeej de niejste methodes toepaste en rationeel de groëte oppervlakte bewêrkte, waobeej de mechanisatie ein belangriéke rol sjpeulde, waar ut meugelik ut Missiehóes met zien 800 inwoëners te veurzéen van ut nuëdige aete. Op een gegaeve moment pasde de aaj Patershoof neet mier in de nieje bedriëfsveuring. Ut gebouw loog neet centraal, ut waas te klein, onprakties en bouwvallig. Zodóonde kwaam d'r ein nieje boerderie, de nieje St. Leonardushof.
In april 1957 woort begônne met de bouw van de kloésterboerderie, waovan de totale kôste gesjat waere op ein miljoen gölde en in september 1958 kwaame de iërste bewoëners. Ut sjtoere gebouw in carrévorm is sober, maar prakties van opzet. Arzjietektebuuro Wijnhoven óet Baolder zörgde veur de taekeninge en aannimmer Jos Gerats & Zn. óet Blierick metselde ut woëngedaelte op. De firma Geelen óet Naer bouwde de sjtel.
bron: "Geschiedenis van de St. Urbanusparochie te Belfeld" 400 jaar parochie, Tegelse Courant d.d. 23 nov. 1957, Tegelse Courant d.d. 19 juli 1958
de nieje St. Leonardushof in aanbouw