kepélke van Geloë

Ut lik in Belvend aan ut sjpaor, dao loup ich binne zônger ein bezjwaor

Ut is ein plek wao idderein geliëk is en gên versjil tösse erm en riëk is

Dao kênse dienen accu beej gaon laje, dao op die plek, die plek wao ich altiëd van zal haje. (2e couplet lied "'t Kapelke van Geloë")

Al jaore ein begrip in de ömgaeving van Belvend. Al vanaaf de 17e ieuw ligk in Geloë ein klein Godshuuske. Dageliks kômme tiëntalle minse nao dit gebedshuuske, gelaege aan de sjpaorliën van Venlo-Remund.

Jammer det die ligging det letste jaore d'r neet op vuróet is gegaon. Ut landelikke gebied haet plaats môtte maake vur allerlei economische belange. Dao wao vruuger ut kepélke ömringk waar door allerlei langkbouwpercele, ligke nao moderne bedriëfspande.

ut kepélke anno 1980

op de achtergrôngk rechs de buzefebriek van Janssen-Dings in 1980

In april 1942 velt ein zjwaore bôm in Geloë. Ut in 1937 gebouwde kepélke wuërd ram verneeld. Planne öm geliëk ein nieje kepél te bouwe, waere door de Duitsgezinde börgemeister taegegewêrk. Vurluipig kumpt d'r ein noëdkepélke. Maar door eine sjtorm in ut veurjaor van 1946 blief ouch dit Godshuuske neet gesjpaard. Op 8 september 1946, op ut fiës van Maria Gebaorte, wuërd  vanaaf de noëdkerk ut versierde Mariabeeld in ein processie nao de nieje kepél gebrach wao pesjtoer van de Venne nao ein plechtigheid de kepél van binnen en van boëte met wiewater inzaegent.

bron: Tegelse Courant 7 september 1946

Waartoe zijn wij op aarde?

wij zijn op aarde om God te dienen en daardoor hier en hiernamaals gelukkig te zijn.

Dees vraog en antwaord luët alle liëgere sjoëlgaonde kinger óet de vieftiger en begin zestiger jaore automaties trükdinke aan de catechismusles. In 1964 naome de bisjoppe ut besjloët de catechismus neet mier verplich te sjtelle. Vur de sjoële ein groëte opluchting. Weg met det aafvraoge. Mennigein haet versjillende sjtökske teks euver môtte sjrieve, ömdet beej ut aafvraoge ut resultaat onvoldoende waar. Ut waar ein kriem öm al die vraoge van bóete te liëre. Zeker, zoe as beej ôs, as ut katechismusbukske bienao óetein veel. Wat hebbe weej beej ôs thóes dök geoefend en elkaar aafgevraog.

Jao, jao, ut geluif kwaam tog hiel dök vur op. Euveral sjting ut insjtituut Kerk centraal. Op sjoël kreege weej godsdeensles van pesjtoer en keplaon. Iddere vereiniging had eine geestelikke adviseur en thóes kreege weej ouch dökker bezeuk van ôzze zieleherder. Kreegse met diene kemunie of beej ein angere gelaegheid eine roezekrans of ein medalie den woort meneer pesjtóer of keplaon gevraog det te zaegene. Zellefs waar d'r nag ein autozaegening. Op det moment had Belvend ein fiele rôngk ut kerkgebouw.

Sôndigs waar eine daag det bienao idderein óet Belvend nao de kerk ging. Allein kranke minse en minse die neet mier good ter bein waare heufde neet te gaon. Beej ôs thóes waar d'r zelde of noeits ein raeje öm neet te gaon. Behalve smorges, brachte weej ouch sjmiddigs ein bezeuk aan de kerk; den waar d'r ut lof. Ouch doordewaeks, iddere daag vur sjoël nao de kerk Op sjoël noteerde de meister of de juf welke kinger waal of neet nao de kerk waare gewaes. Beej ôs thóes kreege weej allemaol geregeld ein printje van de leerkrach ömdet weej zoe good nao de kerk ginge.

De Processie

plechtige kerkelijke ommegang, plechtige bede- of kerkvaart; plechtige optocht van priesters en leken.

Ein paar kiër per jaor waas d’r waal ein processie. De twie belangriëkste waare de sacramentsprocessies op Sacramensdaag (2^e donderdaag nao Pinkstere, maar de processie is op de zôndig nao Pinkstere) en op 15 augustus, Maria Hemelvaart. En den hadse nag de processie met de iërste kèmunikante op Hemelvaartsdaag en de veldprocessie (krúutsdaag, ma-di-wo vur Hemelvaart)

Beej die letste processie trokken weej sjmôrges vruëg door de velde van Belfeld. Ein leuke wandeling door de ömgaeving. De geistelikke met de misdienaars baejend veurop en dao achter de minse, veural aje luu en kinger.

Op Hemelvaartsdaag deeje weej de iërste kèmunie. Met de harmènie ginge weej in ôs fijne kèmuniepekske, in processie nao de kerk.

De sjoënste processies waare de twië sacramentsprocessies. Den woort de louproute prachtig versierd. Vlegskes naeve de waeg, op versjillende plaatse woorte rösaltaore gebouwd. Prachtig opgetooid met vaaze vol bloome, groëte kandelaers met kerse en zangkfigure op de grôngk. Ouch de minse die aan de route woënde deeje eur uterste bes öm d’r get fijns van te make. Beej hiel vuël wuuninge sjtông beej de veurdeur ein hóesaltaor. Ware kunstwêrke van prachtige kandelaers met brandende kerse, vaze met bloome, Maria- en H.Hartbeelde, gedrapeerde deuk die ut gehiël nag ens ein extra dimensie gaove. De sjtoet, vertegenwoordigd door delegasies van alle vereiniginge, trok den door de straote die besjtruijd waare met gesnipperde bloome.

Op inkele plaatse in ut dörp bevônge zich groëte rösaltaore, o.a. beej de boerderie van Boonen (hook Brooksjtraot - Pr. Frederikstr.) en café Juliana. (foto) Met gekleurd zangk waare bane op de straot gemak.

Ôs mam sjoof de gordiene van de kamerraam opzie, zat kandelaers en ut H. Hartbeeld met bloome op de vinsterbangk. Op sjtraot makde weej van roëze en angere bloome ein paedje. En as ’t wejde, den deeje weej met de bloomegeter get water d’r euver. Den bleeve die blaedjes waal ligke. Eindelik waas ’t zoewiët. De processie kwaam vurbeej, eine sjtoet van baejende, zingende en ouch kletsende minse. Pèsjtoër met de monstrans ônger de hemel, misdienaers, leeje van ’t kerkbèsjteur, vuël aafgevaardigde van de versjillende Belfeldse vereiniginge en natuurlik ouch de harmènie en de sjötterie.

Processie-zondag 24 juni 1962

Processieweg: vanuit de kerk via Kerkstraat, Industriestraat, Pr. Hendrikstraat, Wilhelminastr. Schoolstraat, Irenelaan naar de kerk.

“De parochianen worden verzocht zoveel mogelijk aan de processie deel te nemem, flink mee te bidden en tijdens de gehele duur van de processie een eerbiedige houding te bewaren.”

Volgorde:

1. misdienaars met Kruis 2. Schoolkinderen 3. Gidsen 4. Meisjes 5. Maria-vaandel 6. Vrouwen 7. Boerinnenbond 8. Korfbalclub 9. Verkenners 10. K.A.J. 11. Jonge Boeren 12. Belfeldia 13. Harmonie 14. Zangkoor 15. Bruidjes 16. Misdienaars 17 HET ALLERHEILIGSTE 18. Kerkbestuur en Gemeentebestuur 19. Schutterij 20. Vaandel van het H. Hart 21. Middenstand 22. Boerenbond 23. K.A.B. 24. Overige mannen.

Processie 15 augustus 1962

Processieweg: vanuit de kerk via Irenelaan, Schoolstraat, Beatrixlaan (rustkapel), Past. Hermensstraat, pr. Bernhardlaan, Pr. Hendrikstraat (rustkapel), Julianastraat, Industriestraat, Kerkstraat naar de kerk.

bron: Belfelds Nieuws (Tegelse Courant), Simons-bulletin nr.48 en 83 

Waereld-Kindsheiddaag

zaoterdig 12 mei 1956

Euver de hiele welt wuërd de daag van de Heilige Kindsheid gevierd. De daag begint met ein H. Mis. Tiédes de mis is d'r eine Offergang veur de kinger. Die kênne den ut envelöpke, gevöld met geld, neerlêgke beej ut beeld van ut Kiendje Jezus. De offerzin van de kinger is aangekweek door ut laeze van verhaole, ut bekiëke van de fotoos, ut oplosse van de priësvraoge, enz. óet ut missiebukske De Kleine Apostel.

bron: Belfelds Nieuws 5 mei 1956

Eine gas jaor later is det tiëdsjrif in ein moderner jeske gesjtaoke en is de naam verangerd in De Klap.

Ut missiewêrk in het algemein en det van de Belfeldse missionarisse in ut beejzônger kreeg in ôs jeug vuël aandach. Door de zelatrices en zelateurs woort regelmaotig geld ingezameld beej de volwasse parochiane. Dit geld waas nuëdig vur de verkondiging van ut katholiek geluif in de missielänger. Ouch de jeug woort aangesjpraoke öm wet euver te hebbe vur "de erme missiekiendjes". Zilverpepeer (o.a wikkels van sjokalaat, verpakkinge van zwart broëd, de döpkes van de melkflesse) op sjoël inlevere, missiespaarpötjes, die in versjillende wingkels sjtinge,  völle van het sôndigsgeld, waare meneere öm de jeug d'r beej te betrekke.

Kindsheidoptocht

kermismaandag 1 oktober 1956

De deelnemers komen om 15.00 u. samen bij de kerk om deel te nemen aan het plechtige Lof.

Het doel van de optocht is niet alleen een kijkspel te zijn, maar vooral om uiting te geven aan ons aller medeleven en medewerken met het grote werk van de Kerk-planting over heel de Wereld.

Tijdens de optocht is er gelegenheid tot geven van een offer (geld).

Het opstellen is tegenover de meisjesschool aan de Schoolstraat.

De route is als volgt: Schoolstraat - Julianastraat - Wilhelminastraat - Schuttekamp - Prins Hendrikstraat - Bergstraat - Prins Bernhardlaan - Pastoor Hermensstraat - Beatrixlaan - Schoolstraat - Irenelaan tot bij de kerk.

Ondanks het minder gunstige weer is de optocht uitgebreider dan de voorafgaande jaren en is het een groot succes. De collecte heeft fl. 100,- opgebracht.

bron: Belfelds Nieuws okt. 1956

1 oktober 1956

v.l.n.r.: Albert Stomphorst, Thei Timmermans, Piet Simons, Truus Simons, Arno Jacobs, Piet Stevens, Alda Linssen, ?, ?, Henk Hermans, Harrie Peeters

de Noëdkerk

Eind 1944 woort Belvend frôntgebied, met als gevolg det d'r vuël granate op ut dörp veele. De kerk, gelaege naeve de huidige aaje kerkhaof aan de Riëkswaeg, kreeg ut zjwaor te verdure. Doordet ut gebouw bienao gans waar verwoes, kôste dao gen deenste mier waere gehaje. Zo woorte d'r ônger angere in de äöves van Janssen-Dings misse opgedrage en kôste de minse in ut kantoër van det bedriëf nao de biech gaon.

Nao de bevrijding begôste bouwvakkers met ut opknappe van de gymzaal van de Aloysiussjoël; den ut gebouw woort as noëdkerk in gebroëk genaome. Op 15 augustus 1951 wuërd de nieje kerk in gebroëk genaome en daomei vervalle de kerkdeenste in de noëdkerk.

Kerkbesjteur en kerkekoër 1945

locatie noodkerk, gymzaal Aloysiusschool

zittend v.l.n.r.: P. Van de Voort (de mölder), Thei Hoezen (de sjlegter), Willem Boonen, Willem van Cleef (pannesjop), pesjtoër Van de Venne, keplaon Boessen, Sjeng Bloemers, Lei Lücker (de kopersjlaeger), Pierre Boots, Pierre Spee

middelste rij v.l.n.r.: Frits Boonen, Dorus Naderman, Jan Kurstjens, Piet Thonen (Cuyckse Piet), Harie Bloemers, J. Timmermans (de köster, Louis Thijssen, Tran van Lier, Drees Bloemers, Hens Thijssen (van Heinke), Herm Janssen (Herm van Naad)

bovenste rij v.l.n.r.: Piet Timmermans (van de köster), Jan van der Linden, J. Peeters, Sef Bors (de bekker), Jeu Heggers, Jan Timmermans (van de köster), Hendrik Haves, Louis Lücker, Piet Pieper (oét ut Brook), Herm Goossens, E. Janssen, Sef Langendonk, Piet Kurstjens (Boerenleenbank), Herm Stroeken (de sjoester)